ಪುಟ್ಟರಾಜ ಸೇವಾ ಸಮಿತಿ ಹುಟ್ಟು

ಗದಗ ಬೆಟಗೇರಿ ಅವಳಿನಗರದ ನಾಗರಿಕರೆಲ್ಲ ಸೇರಿ, ಡಾ.ಪಂ.ಪುಟ್ಟರಾಜ ಕವಿ ಗವಾಯಿಗಳವರ ಹುಟ್ಟು ಹಬ್ಬವನ್ನು ಸಾರ್ವಜನಿಕವಾಗಿ ಆಚರಿಸ ಬೇಕೆಂಬ ಸಂಕಲ್ಪ ಮಾಡಿ ಪೂಜ್ಯರ ಹುಟ್ಟುಹಬ್ಬದ ಆಚರಣೆಗೆ ಮಾತ್ರ ಸೀಮಿತವಾದ ಪುಟ್ಟರಾಜರ ಹುಟ್ಟುಹಬ್ಬ ಸೇವಾ ಸಮಿತಿ ಅಸ್ತಿತ್ವಕ್ಕೆ ತರಲಾಯಿತು. 2001 ರಲ್ಲಿ ಪೂಜ್ಯರ ಹುಟ್ಟುಹಬ್ಬವನ್ನು ಪ್ರಪ್ರಥಮ ಬಾರಿಗೆ ಗದಗ ಬೆಟಗೇರಿ ಅವಳಿ ನಗರದಲ್ಲಿ ಅದ್ದೂರಿಯಾಗಿ ಆಚರಿಸಲಾಯಿತು. ಗುರುವರ್ಯರ ಹುಟ್ಟುಹಬ್ಬ ಸಾರ್ವಜನಿಕವಾಗಿ ಆಚರಣೆಗೆಯಾಗ ಬೇಕೆಂಬ ಹಂಬಲ ಹೊಂದಿದ್ದ ಗದುಗಿನ ಕಲಾವಿಕಾಸ ಪರಿಷತ್ ಮಾರ್ಗದರ್ಶನದಲ್ಲಿ 2004 ರವರೆಗೆ ಅತ್ಯಂತ ವೈಭವದಿಂದ ಪ್ರತಿವರ್ಷ ಗುರುವರ್ಯರ ಹುಟ್ಟುಹಬ್ಬ ಸಾರ್ವಜನಿಕವಾಗಿ ಆಚರಿಸಿಕೊಂಡು ಬರಲಾಯಿತು.ಪುಟ್ಟರಾಜರ ಹುಟ್ಟುಹಬ್ಬದ ಆಚರಣೆಗೆ ಮೀಸಲಾಗಿದ್ದ ಮತ್ತು ಗದಗ ಬೆಟಗೇರಿ ಅವಳಿ ನಗರಕ್ಕೆ  ಮಾತ್ರ ಸೀಮಿತವಾಗಿದ್ದ ಈ ಸಮಿತಿಯನ್ನು, ರಾಜ್ಯಾದ್ಯಂತ ಇರುವ, ಪೂಜ್ಯರ ಅಭಿಮಾನಿ ಭಕ್ತರ ಮಹಾ ಬಳಗವನ್ನು ಒಂದೇ ವೇದಿಕೆಯಲ್ಲಿ ತರುವುದು ಮತ್ತು ಮಾರ್ಚ 3 ರಂದೇ ರಾಜ್ಯಾದ್ಯಂತ ಪೂಜ್ಯರ ಹುಟ್ಟುಹಬ್ಬ ಆಚರಣೆಯಾಗ ಬೇಕೆಂಬ ಉದ್ದೇಶದಿಂದ,ಈ ಪುಟ್ಟರಾಜ ಹುಟ್ಟುಹಬ್ಬ ಸೇವಾ ಸಮಿತಿಯನ್ನು, ಹುಟ್ಟುಹಬ್ಬ ಆಚರಣೆಯ ಮೀಸಲಾತಿ ಚೌಕಟ್ಟಿನಿಂದ ಹೊರತಂದು, ಪೂಜ್ಯರ ಸಂಗೀತ,ಸಾಹಿತ್ಯ,ಧಾರ್ಮಿಕ,ಸಾಮಾಜಿಕ ಸೇವೆಯನ್ನು ಸ್ಮರಿಸುವ ಸಮಾಜ ಸೇವಾ ಸಂಸ್ಥೆಯನ್ನಾಗಿ ಯಾಕೆ ಕಟ್ಟಬಾರದೆಂದು ಸಮಾನ ಮನಸ್ಕ ಪೂಜ್ಯರ ಅಭಿಮಾನಿ ಭಕ್ತರೆಲ್ಲ ಸೇರಿ ವಿಚಾರಮಾಡಿ 2004 ರಲ್ಲಿ ಹುಟ್ಟುಹಬ್ಬ ಸಮಿತಿಗೆ ಡಾ.ಪಂ.ಪುಟ್ಟರಾಜ ಸೇವಾ ಸಮಿತಿ (ಪೂಜ್ಯರ ಅಭಿಮಾನಿ ಭಕ್ತರ ಮಹಾ ಬಳಗ) ಯಂದು ಪುನರ್ ನಾಮಕರಣ ಮಾಡಿ ಈ ಸಮಿತಿ ಅಸ್ಥಿತ್ವಕ್ಕೆ ತರಲಾಯಿತು.ಈ ಸೇವಾ ಸಮಿತಿಯು ಇಂದು ರಾಜ್ಯಾದ್ಯಂತ ತನ್ನ ಚಟುವಟಿಕೆ ವಿಸ್ತರಿಸಿಕೊಂಡಿದೆ ರಾಜ್ಯಾದ್ಯಂತ ಇರುವ ಪೂಜ್ಯರ ಅಭಿಮಾನಿ ಭಕ್ತರ ಪ್ರೀತಿ ಪಾತ್ರವಾಗಿದೆ.ರಾಜ್ಯಾದ್ಯಂತ ಮಾರ್ಚ 3 ರಂದೇ ರಾಜ್ಯದ ಬೇರೆ ಬೇರೆ ಜಿಲ್ಲೆಗಳಲ್ಲಿ ಪೂಜ್ಯರ ಹುಟ್ಟುಹಬ್ಬ ಆಚರಣೆಗೆ ಪ್ರೇರಕ ಶಕ್ತಿಯಾಗಿ ಯಸಶ್ವಿಯಾಗಿದೆ.ಈ ಸಮಿತಿಯುKaranataka Socitieties Registration Act,1960 (Karanataka Act of 1960) ಅಡಿಯಲ್ಲಿ ನೊಂದಾಯಿಸಲಾಗಿದೆ.(Reg No: DR/GDG/SOR-59/2011-12)ಈಗ ಈ ಸಮಿತಿಗೆ 2೦14 ಇಸವಿಗೆ ಹತ್ತು ವರ್ಷ ತುಂಬುತ್ತಿವೆ. ಅದೇರೀತಿ ಇದೇ ವರ್ಷ ಪುಟ್ಟರಾಜ ಗುರುವರ್ಯ ಶತಮಾನೋತ್ಸವ ವರ್ಷವೂ ಹೌದು.ಪೂಜ್ಯರ ಜನ್ಮಶತಮಾನೋತ್ಸವ ಸಮಿತಿಯ ದಶಮಾನೋತ್ಸವ ಎರಡನ್ನೂ ಅವಿಸ್ಮರಣೀಯವಾಗಿ ಆಚರಿಸಲು ಯೋಚಿಸಲಾಗಿದೆ. ಕಾರಣ ಸಮಿತಿಯು ಪೂಜ್ಯರ ಅಭಿಮಾನಿ ಭಕ್ತರ ಮಹಾಬಳಗದ ಸಲಹೆ ಸೂಚನೆ ಮಾರ್ಗದರ್ಶನ ಬಯಸುತ್ತದೆ.ಈ ಒಂದು ವರ್ಷದ ಅವಧಿಯಲ್ಲಿ ಅಭಿಮಾನಿ ಭಕ್ತರನ್ನು ಸದಸ್ಯರನ್ನಾಗಿ ಮಾಡಿಕೊಳ್ಳಲು ಸದಸ್ಯತ್ವ ಅಭಿಯಾನ ಆರಂಭವಾಗಿದೆ ಪೂಜ್ಯರ ಅಭಿಮಾನಿ ಭಕ್ತರು ಮಹಾಬಳಗದ ಅಧಿಕೃತ ಸದಸ್ಯತ್ವ ಪಡೆದುಕೊಳ್ಳಲು ಈಮೂಲಕ ವಿನಂತಿಸಿಕೊಳ್ಳುತ್ತಿದ್ದೇವೆ ಮತ್ತು ಈ ಸಮಿತಿಯ ದಶಮಾನೋತ್ಸವ ಮತ್ತು ಪುಟ್ಟರಾಜರ ಜನ್ಮ ಶತಮಾನೋತ್ಸವಕ್ಕೆ ಪೂಜ್ಯರ ಅಭಿಮಾನಿಗಳಾದ ತಾವು ಸಹಕಾರ ನೀಡಲು ಕೋರುತ್ತೇವೆ.